Jaio aurretik hasten gara eskuen hizkuntza jasotzen eta haurrak garela erabiltzen. Oharkabean etengabeak dira egunaren zehar egiten ditugun keinuak albokoek uler gaitzan. Hor daude eskuak gainezka dagoen gorputza atalari energia emateko prest, baita adiskideari ongietorria edo laguntza eskaintzeko ere. Beste batzuetan ordea, buruak agindutakoa eskuz lan-sormenaz hustutzen dugu barrua eta badira gizarte osoarekiko sinesten duguna diotenak ere. Bestalde euskarak garrantzi berezia ematen dio eskua hitzari eta hamaika dira erro gisa erabiliz sortu dituen hitzak, liburu honetan argazkien ondoan aurki ditzakezunak. Hemen jasotako argazki eta hitzak egunerokotasunetik bildutakoak dira. Aurrez-aurreko komunikazioan betidaniko aberastasuna direnak.