Majina ou A filla espúrea, obra de Marcial Valladares escrita en 1870, pero publicada por entregas a partir de 1880 na revista La Ilustración Gallega y Asturiana, dirixida por Manuel Murguía. Sen dúbida, pódese considerar unha peza fundamental da prosa do Rexurdimento e a primeira novela moderna en lingua galega. A novela discorre no espazo urbano de Santiago de Compostela e no rural das terras do Ulla, unha oposición que aparece reflectida no aspecto sociolingüístico da obra.