Të mohosh arritjet apo zhvillimet sado të vogla që të jenë në bujqësi, do të thotë të pështysh mundin dhe djersën e fermerit shqiptar, të pështysh mbi produktet që ai prodhon. Të shash fshatin dhe bujqësinë, të mohosh çdo gjë, nuk shan shtetin apo qeverinë e radhës, por shan fermerin, pasi bujqësia është sektor krejt privat, në dorë të mundit të fermerit e të familjes së tij, në dorë të shiut, breshërit a diellit, në dorë të zotit.
Vazhdoj të jem i bindur se po të aplikohen politika kombëtare, 5 – 6 qind milionë dollarë që dalin jashtë vendit për të blerë produkte ushqimore që mund të prodhohen në vend, do të investoheshin këtu dhe ky do të ishte një investim kolosal për vendin dhe të ardhmen. (Rexhep Shahu)