Xandru Martino Ruz (Ribeseya, 1966) ye llicenciáu en filoloxía francesa, diplomáu en maxisteriu y especialista d'asturianu pola Universidá d'Uviéu. Como narrador tien asoleyaos los llibros De Ceuta a Sarayevo (relatos, 1995), A la gueta l'esbardu (novela xuvenil, 1997) y Rema con orpín en nueche de seronda (relatos, 1999), amás de ganar los premios narrativos El Garapiellu y Pepe Campo nel 1997 y el Vital Aza y Relatos de la mar nel 1998. Y dellos premios más como finalista. Como traductor tien asoleyáu'l llibru Cuentos pa poner colloraos a los capiellinos de Jean Pierre Énard nel 1996, La lleición d'Ionesco nel Lletres asturianes, amás d'otres traducciones en destremaes publicaciones y revistes d'autores como Éric Vuillard, Fred Vargas, Proust, Prévert, Zola, etc. N'otres obres de cultura xeneral tien Diccionariu básicu ilustráu asturianu-castellanu (2006) y Refraneru Temáticu (2008).