Izimo zenhlungu zizokwakha ube iqhawe.

Inhlungu nenhlupheko zakhama wonke umlaza empilweni yami ukungishiya ngiyiqheqhe nongcweti yochwepheshe empilweni.

Zonke izehlo nezigigaba empilweni zisuke zizokhiqiza ingqungqulu yokuchwepheshe weqhawe langomuso. Onke amaqhawe nezingwazi zikhiqhizwe zakhandwa ngenhlungu nobunzima bempilo ukuze zibe ilokhu eziyikho namuhla. Enhlungwini nasebunzimeni kunezifundo ezingakhokhelwa mali kkodwa kuphela ofundayo ukuze aqinise akhuthaze abanye ngengomuso empilweni.

Zonke lezizinkondlo zingumphumela wenhlungu nobunzima empilweni obungiqukule kwangibeka kwelemicabango ngathwabaza khona ngidla amathambo enqondo ngakhiqiza lomsebenzi.

Lencwadi Ibhalwe

nguMntwana Goodwill Siboniso Mkhwanazi ozalwe ngomhlaka 07 August 1969 endaweni yakwaNomathiya eMtubatuba KZN mzansi Afrika(South Africa) ezalwa nguNdlunkulu Sindisiwe ntombi kanye Mntwana Ncezu Nason kaMntwana Mqhubennni kaMntwana Inkosi Somkhele, ka inkosi Mayanda kaInkosi Veyane Mkhwanazi.

Mntwana Goodwill Siboniso ufunde amabanga aphansi kwaSomkhele Primary, Mehlokubheka Primary, Inkosi Mgwazeni Secondary, Emoyeni High School wagogoda izifundo ze SSTD, B Paed (Arts) kanye ne BA Hons eNyuvesi yakwaZulu.

Ufundise umlando ulimi lwesingisi kanye nesiZulu ezikoleni eziningi.

Ungumkhwenyana kaNdlunkulu Ayanda Promise kanye nobaba kaSamkele Qiniso Mnqobi Aphiwe Siqiniseko kanye noBhecherim umzukulu unguThisha, umfundisi webandla House of God Worship Centre, Umholi womphakathi, umholi wezombusazwe, isikhulumi somphakathi nesezinkulumo ezikhuthazayo, ungumbhali wezincwadi nomculi womculo wezenkolo. Uyimbongi ehaya izinkondlo.