Bokamoso ke kanego ya moswa yo a bitšwago Bokamoso, yo a belegetšwego motseng wa go bitšwa Mokgwaneng, dipolotong profenseng ya Limpopo. Ke ngwana yo a gotšego a ithalokela ka go kgorometša ditena le dithaere. O be a sa re ke kgola tsela ya sefatanaga sa gagwe ge a tla bona sefofane se feta moo ga gabo. Ya ba o a ragoga, e le gona go se šala morago ka kholofelo ya gore se tlile go kotama kgauswinyana! Masenyeletša e bile terata ya gabo yeo e ilego ya mo thibela. Ya napile e šupa gore ngwana o maratong le difofane gomme o ipona e le mootledi wa tšona ka le lengwe la matšatši. Bose bjoo a bego a tla bokwa ge sefofane se be se feta moo ga gabo… ga o tsebe wena! Lerato leo la gagwe la difofane, e bile leo le ilego la tlaba batswadi ba gagwe gammogo le bale ba kua a ilego a ithutela tša difofane gona.

Bokamoso o ile a le šupa le le godimo gore yena ga go na mošomo woo a tlilego go o šoma ge e se fela wa difofane. Bokaone e ka ba ge a ka itulela go ena le gore a dire seo se kgotsofatšago motho yo mongwe ka bokamoso bja gagwe. Ka ngwaga o mongwe, sefofane seo a bego a se otlela se ile sa šulafalelwa ke leeto ka lebaka la leratadima.