Цагийн хүрдний зам та бидэнд өөрсдийн дотоод чадварыг амьдруулах хийгээд энэ ертөнцийг энх амгалан цогцолсон газар болгох үйлсэд өөрсдийн зүгээс хувь нэмрээ оруулахад зориулсан гүнзгий мэргэн аргуудыг санал болгож байна. Энэхүү ер бусын гайхамшигтай зам анх удаа ийнхүү алхам бүрийг таниулсан ном болон гарч байгаа бөгөөд сурагч шавь нарт эдгээр төгс хийгээд ховорхон олдох системээр амжилттай дадуулан ахих бүтээлч чадварлаг замыг зааж өгч байгаа билээ.
30 гаруй жилийн турш Төвөдийн бүх гол урсгалуудын 25 гаруй хийдэд эрчимтэй суралцсан Ханбрүл Ринбүчи Бурханы сургаалын шимийг ухааран секторын аливаа хязгаарыг арилгахад туслах өргөн ойлголтыг танд санал болгож байна.
Тиймээс энэ гурван боть бүтээлийнхээ нэгдүгээр ботид Ринбүчи та бидний өдөр тутамд тулах хэрэгтэй болдог гадаад ертөнцийн үнэн мөн чанарыг таниулжээ. Амьдралд ойрхон тусахаар баялаг зөвлөгөө, дадлага, бясалгал зэргийн тусламжтайгаар замд учирч болох олон даваа нугачааг хэрхэн амжилттай давах талаар энэ ном зааж өгөх болно. Мөн тэрбээр өөрсдийн мөн чанар руугаа илүү гүнзгий нэвтэрч орох дотоодын зөн билгийг хөгжүүлэхэд та биднийг зоригжуулан залснаар амьдралд тохиох энэхүү ховор боломжуудыг хэрхэн бүрэн зөвөөр ашиглах тухай өргөн дардан замд биднийг хөтлөн хүргэх нь гарцаагүй.
