Coraxe: poemas audaces para rapazas afoutas

by autores varios, Karen Finneyfrock (Editor), Rachel McKibbens (Editor), Eva Almazán (Translator)

Overview

O mundo que habitarán e contribuirán a crear as adolescentes non podemos controlalo. Mais se puidésemos darlles un amuleto para que o levasen no peto, ese amuleto sería a coraxe. E por iso, no canto dunha espada –ou dunha estrada de ladrillos amarelos–, dámoslles un libro. Esta escolma de poemas saídos da mente e do corazón dalgunhas das poetas máis potentes e representativas do panorama actual pretende ser unha despensa sen fondo da que nenas, rapazas e mulleres extraian a ración exacta de coraxe que a vida lles pida a cada momento.

Product Details

ISBN-13:	9788410219175
Publisher:	Rinoceronte Editora
Publication date:	10/26/2020
Sold by:	Libranda
Format:	eBook
Pages:	188
File size:	971 KB
Language:	Galician

About the Author

Karen Finneyfrock é autora de dúas novelas para lectores novos, The Sweet Revenge of Celia Door e Starbird Murphy and the World Outside, publicadas ambas e dúas por Viking Children’s Books. O seu segundo libro de poemas, Ceremony for the Choking Ghost, editouse en Write Bloody. Foi escritora residente da Casa de Richard Hugo de Seattle e é docente do programa Escritores na Escola da entidade Seattle Arts and Lectures. En 2010 Karen estivo no Nepal en calidade de enviada cultural do departamento de Estado dos Estados Unidos para recitar e ensinar poesía, e en 2011 fixo unha xira de lecturas por Alemaña baixo o patrocinio da embaixada estadounidense.
Rachel McKibbens é poeta, activista, dramaturga, ensaísta, bolseira poética da Fundación para as Artes de Nova York e autora dos encomiados volumes de poesía Pink Elephant (Cypher Books, 2009) e Into the Dark & Emptying Field (Small Doggies, 2013). En nove ocasións formou parte dun equipo representado no slam poético nacional, actuou en oito finais, levou co seu adestramento o equipo de slam poético louderARTS de Nova York á final en tres ocasións consecutivas, declarouse campioa do slam poético Mulleres do Mundo en 2009 e campioa individual do slam nacional de poesía underground en 2001. McKibbens impartiu clases de poesía no programa de Artes Sandadoras do Hospital Bellevue de Manhattan e actualmente prosegue o seu labor de ensino de poesía e escrita creativa e dá conferencias ao longo e largo do país en prol da saúde mental, a igualdade de xénero e as vítimas da violencia e dos malos tratos no fogar.