Libri "Në anën tjetër, tregime Uberi" i Muç Xhepës ka dy përqendrime: në atdhe dhe në diasporë. Me teknika letrare moderne dhe aftësi vrojtuese, autori vjel tema në dy periudhat e jetës së tij; nën komunizmin enverist dhe në tokën e lirisë, në SHBA. E veçanta qëndron në kombinimin gati simultan të të dy eksperiencave. Instrumentet kryesorë operues prapë janë dy: i pari shoqërimi i ideve, duke kundërvënë bindshëm copa jete në mungesë lirie dhe aty për aty, të tjera në liri, plot befasi dhe vrull. I dyti instrument është përvetësimi amerikan i të menduarit dhe i të shkruarit në sensin e gjërë. Bisedat me klientët që rastisin të udhëtojnë me të, janë të mbushura me humanitet, ndërsa monologu i brendshmëm bën krahasime në retrospektivë, që na kujtojnë analogjikisht ndodhí tonat, shokë e fate dhe kjo është ana atraktive e tregimeve të këtij libri, i letërsisë të së vërtetës. Lekë Tasi
