Kwake li te grandi nan yon anviwonman kretyen, Grâce abandonnen levanjil pandan l te yon adolesan. Movè zespri ki soti nan liy zansèt li yo te reklame l. Lwa yo te moute li epi yo te toumante l. Li te oblije kontakte bò ki pat kretyen nan fanmi li. Kidonk, li te ale nan teritwa dyab la e li te ba l' kontwòl total sou nanm li.
KI CHWA LI TE FÈ? ÈSKE LI TE RIVE TWÒ LWEN?
Sa a se istwa konvèsyon li soti nan vodou tounen nan Krisyanis kòm yon jèn demwazèl. An nou pran yon woulib avè l nan vwayaj espirityèl sa a. Dekouvri ki jan li te debwouye l' nan labirent sa a pandan li t'ap chèche espirityalite.
Vin konnen ki jan li te debarase l' de mechan sa yo. Yo te pèdi pouvwa pou kontwole tèt li ak kò li. Yo patka posede l' ankò pandan plizyè èdtan jan yo te konn fè a. Li te soti anba priz yo, li te retounen nan lafwa kretyèn li epi li toujou kenbe bon sans li. Men, ki jan tout bagay sa te fè fèt? Li te kapab jwenn sa li rele vrè espirityalite. Kounye a, li ranpli ak Sentespri, li ap pataje Pawòl Bondye a.
Liv sa a pral ede w konprann ke gerizon espirityèl soti nan Jezi. Ou ka fè menm bagay la pou tèt ou oswa w ede yon lòt moun soti nan pèlin li pran an.
