Van Elefan (Haitian Creole Edition): Yon liv Sekirite nan ka Toubiyon

by Heather L Beal

Overview

Mom's Choice Award Winner

2018 Silver Medal Readers' Favorite Children's Social Issues

The Haitian Creole Edition of Elephant Wind

Klas matènèl Lily ak Niko a patisipe nan fwa syantifik lekòl primè a pandan yon alèt toubiyon deklanche. Yo aprann kòman yon toubiyon sanble ak twonp yon elefan epi li sonnen tankou yon tren. Yo aprann tou ki kote yo ka ale pou yo an sekirite. Lè yo aprann ke toubiyon an te andomaje kay yon vwazen, yo reyini pou ede nan fason pa yo.

Li liv sa se yon bon mwayen pou paran, responsab gadri, ak moun k'ap bay swen, pou pale ak timoun piti yo ak timoun ki nan laj preskolè sou toubiyon nan yon fason ki pa fè pè. Tande mizik la, telechaje yon postè gratis ak yon sètifika fòmasyon sou sekirite nan ka toubiyon sou train4safety(dot)com. Sèlman seleksyone bouton Ready Tots epi Resources nan meni an.

Product Details

ISBN-13:	9781947690257
Publisher:	Train 4 Safety Press
Publication date:	11/17/2021
Pages:	24
Sales rank:	693,270
Product dimensions:	8.00(w) x 8.00(h) x 0.06(d)
Language:	Haitian Creole
Age Range:	3 - 8 Years

About the Author

Heather te fòme pou bay li a 100% nan tout sa l'ap fè. Depi nan premye eksperyans li yo nan Skout Fanm, pase pa anpil evenman ak oganizasyon benevòl, li te toujou chèche fè diferans. Apre li fin pran diplòm inivèsitè li, li sèvi peyi nou an pandan 23 lane nan sèvis Marin. Devwe pou amelyore tèt li, Li pran Metriz nan etid Azyatik, rezolisyon konfli, politik cyber-sekirite ak jesyon ijans nan sèvis aktif. Li kalifye kòm Jesyonè Ijans Sètifye (CEM) avèk Asosyasyon Entènasyonal Jesyonè Ijans epi li gen nivo PhD nan Jesyon Ijans avèk yon espesyalite nan rekiperasyon timoun. Antanke paran aktif de timoun, li te pran konsyans de anplè lakin nan domèn fòmasyon ak resous nan domèn rekiperasyon nan ka ijans pou responsab sèvis gadri epi lijire pou mete eksperyans li, edikasyon l', pi enpòtan ankò kontribisyon l' pou ede amelyore limit aktyèl yo an sèvis. Anplis de liv li pibliye pou aprann timoun kisa pou yo fè lè gen katastwòf, li kreye yon òganis ki pap travay pou lajan, BLOCKS. Objektif BLOCKS se ede prepare sèvis gadri pou katastwòf. Ou ka aprann plis sou aktivite òganizasyon li a sou www.blocksusa.org. Tanpri vizite www.train4safety.com pou aprann plis sou lòt liv ki disponib pou ede prepare pitit ou yo pou katastwòf oswa pou sijere domèn ke nou dwe konsantre sou yo. Mèsi pou sipò w' epi bon lèkti!

Editorial Reviews

Ak kisa yon toubiyon sanble? Ki bwi li fè? Kisa ki lakoz yon toubiyon? Kisa ou dwe fè si ou nan mitan yon toubiyon? Van Elefan (Gayan pri Mom's Choice) pa Heather L Beal se yon liv pou timoun ki gen tout repons. Liv sa vrèman enteresan ak divètisan paske Madam Mandy kòmanse eksplore fenemèn toubiyon an nan pwofondè. Sak bèl la se fason Madam Mandy dekri fòm ak son toubiyon an. Teknik lan se te pou bay timoun yo yon imaj pi vivan de yon toubiyon pandan l'ap konpare l' ak twonp yon elefan ki desann sot nan syèl la. Mwen te wè ke se te yon pi bon ilistrasyon. Madam Mandy te tou bay timoun yo konsèy sekirite tou nan ka toubiyon. Se yon liv enteresan ke nenpòt timoun kapab li pou kont li oswa pou pataje avèk lòt. Pèsòn pa ka prepare totalman, men liv sa reponn ak anpil kesyon ke pitit ou a ap mande sou mèvèy toubiyon. Bon lèkti!

- Vernita Naylor for Readers' Favorite (5 Star Review)

Prepare w' pou Van Elefnt pote w' ale. Liv rekonfòtan sa ranpli ak ilistrasyon chaman ak mesaj enpòtan. Otè a, Heather Beal, montre granmoun yo kòman yo ka sansibilize jèn timoun yo sou danje nan yon fason ki amizan epi ki pa fè pè. Li souliye tou kapasite ke timoun yo genyen pou aprann ak kontribye nan pwòp retablisman yo ak retablisman kominote a antye ke yo neglije.

- Lori Peek, University of Colorado and Co-Author of Children of Katrina

"Van Elefan" se yon istwa pou timoun ki ilistre nan fason kreyativ pou montre timoun (nan laj twa a ywit an) sa yo dwe frè lè gen yon toubiyon. Yon aspè enpòtan nan "Van Elefan" sèke li prezante enfòmasyon an nan yon fòma amizan, kolore, ki pa menasan ki atraktif ak angaje pou timoun. Yon klas matènèl ki gen ti animal, tankou Lily and Niko Rabbit, rive avèk pwofesè yo ibou, Madam Mandy pou asiste yon fwa syantifik. Yon alèt sirèn deklanche epi yo mande timoun yo swiv Madam Mandy nan yon abri anti-toubiyon. Sou wout abri a, Madam Mandy eksplike dousman ak kisa yon toubiyon sanble: Yon gwo nwaj van fò ki gen fòm yon antonwa. Lè jèn ti animal yo poko konprann, li eksplike ke fòm toubiyon an sanble ak twonp yon elefan ki desann sot nan syèl la vin sou tè a. Lòt eksplikasyon ak deskripsyon bwi toubiyon an vini apre, epi Madam Mandy eksplike enpòtans pou ale nan yon kote ki an sekirite, tankou yon sou-sòl, lè yo tande alèt toubiyon an. Pou ede timoun yo sonje konsiy yo lè gen toubiyon, Madam Mandy chante yon chanson pou yo: "Van elefan rive, Ale nan sou-sòl la oswa anba tè a. Kouvri tèt nou epi anvan nou konnen, Sa pral kalme epi nou ka ale." Byento direktè lekòl la (yon lou) parèt pou di timoun yo ke toubiyon an ale. Byenke pèsòn pat blese, kay yon vwazen te andomaje. Ti animal yo te kòmanse panse sou fason yo ka ede vwazen ke kay yo te andomanje a pou yo santi yo mye, pandan y'ap prepare bonbon ak kat pou di yo kijan yo sousye de yo. "Van Elefan" fini ak kesyon ak aktivite ki gen rapò ak toubiyon pa Lily ak Niko Rabbit. "Van Elefan" se yon trè bon manyèl enstriksyon pou jèn timoun sou pwosedi sekirite pou swiv lè gen toubiyon, ki anseye nan fason klè ki pa menasan.

- The Midwest Book Review

From the Publisher