Se yon gran lonè, lè mwen te tande, edikatè, ann Ayiti, sèvi avèk Malfini-Byenfini nan klas filozofi pou mennen deba akademik avèk elèv yo. Se te entansyon an sa. Se ankò yon pi gran lonè lè mwen tande kèk akademisyen klase Malfini-Byenfini nan menm ran avèk de premye klasik Kreyòl Ayisyen yo: Choukoun pa Charles Alexis Oswald Durand (1840-1906), epi "Tezen" pa Frank Fouchè (1950). Malfini-Byenfini senpman ap kontante li okipe yon plas enpòtan nan literati kreyòl Ayisyen an. Malfini-Byenfini sou twazyèm edisyon li. Se premye sati Kreyòl ki fèt pou li tankou yon woman. Si w pa li liv sa a tankou yon woman, ou kapab pa p janm rive konprann li.