Nang mabigo sa pag-ibig, pinili ni Mae Legaspi na iwan pansamantala ang pagmomodelo para magpahilom ng sugatang puso ngunit nang muling sumabak sa pagmomodelo, pagpo-pose sa men's magazine ang unang alok na tinanggap niya. Maganda naman siya, mapangahas, at maalindog kaya hindi kataka-takang nagka-interes sa kanya ang yummy, guwapo pero pakialamerong photographer na si Trey Arenas. Sa huling gabi ng kanilang photoshoot ay hindi inaasahang live kissing scene ang naganap sa pagitan nila at sa labis na kahihiyan ay hindi na niya tinangka pang makita ito.
Si TE_Captive_by_U, ang estrangherong lalakeng tumulong sa kanya nang malasing sa bar ay naka-chat at naging ka-MU, nagkaroon ng puwang sa kanyang puso kahit pa hindi niya nasilayan ang mukha nito sa labis na kalasingan. Nang magpasyang mag-eyeball saka naman niya nakita si Trey sa matikas nitong anyo kaya muling nanumbalik sa alaala niya ang pinagsaluhan nilang halik. Ano'ng gagawin niya eh ang lakas talaga ng dating nito sa kanya at aano na ang ka-date niyang si TE_Captive_by_U?