Uyintokazi enhle, enekusasa eliqhakazile. Inselelo nje ngukuthi uphila ezweni eligcwele izilingo nezingqinamba. Ezinye ziyazizela. Ezinye kungase kuthiwe uyazimema. Wenza njani uma kusifka isilingo sokuthanda umuntu qede akudumaze? Uyaqhubeka nempilo noma ubamba amagqubu? Kuthiwani uma kuvela ithuba eliyimvelakancane lokuya eChina ukuze kuvuleke amathuba okuqala impilo kabusha? Kulula yini ukufezeka kwamaphupho ezweni eligcwele abakhohlisi, abashushumbisi bezidakamizwa nababulali abanonya? Le noveli, ebhalwe ngekhono elicokeme iqukethe izigameko eziphakamisa amaphaphu eziyenza ingabekeki phansi. Iveza amaqiniso ngengcindezi ebhekene nentsha ezweni elikhungethwe yinqwaba yezinselelo. Nanxa kunjalo, ishiya umfundi enethemba lokuthi lisengaqhakaza ikusasa uma intsha ingazithatha izeluleko eziqukethwe yile noveli, ezibuyisa ithemba ngekusasa nothando.