La “Kavaliro en tigra felo” estas granda poemo de la fama kartvela poemisto Ŝota Rustaveli, de la 12-a jarcento de nia erao.
La traduko al Esperanto estas farita de Zurab MAKAŜVILI. La 1-a eldono en Esperanto aperis
en 1989 ĉe la eldonejo Sabĉota Sakartvelo en Tbiliso, ĝi estas delonge elĉerpita. Tiu ĉi reeldono estas prizorgita de Renato Corsetti, kiu esprimas sin admire pri la traduko:
“Zurab Makaŝvili faris mirindan laboron. Lia uzo de la dek-ses-silaba verso en Esperanto estas majstra. Mi dum la revizio de ĉi tiu eldono ŝanĝis nur kelkajn (malpli ol 5) vortajn elektojn kaj ĉefe forigis kelkajn skriberarojn kaj tre malofte ritmajn erarojn en la verso. […]
Mi mem respondecas pri ĉio lingva en ĉi tiu versio kaj pri restintaj eraroj.
Mi dankas la korektantojn de skrib-eraroj kaj de alispecaj eraroj: Anna Lowenstein kaj Anneke Schouten-Buys kaj Vasil Kadifeli, kiu helpis plurmaniere.“
