Vatmaar: 'n Lewendagge verhaal van 'n tyd wat nie meer is nie

by AHM Scholtz

Overview

Vatmaar vertel die boeiende verhaal van ’n klein gemeenskappie buite Kimberley, van die draai van die eeu tot ongeveer 1930. Die leser word bekend gestel aan ’n magdom fassinerende karakters – Oom Chai, Ta Vuurmaak, Domanie Frans Kiewiet, Boitjie Afrika, oom Flip en sus Bet – sowel as aan nuwe perspektiewe op bekende historiese gebeure. ’n Mens se oorweldigende indruk is een van diepe menslikheid en humor, hoewel ongeregtigheid en uitbuiting nie verswyg word nie. Die stories is vol kleur en opwinding, dit voed jou siel en laat jou soms uitbars van die lag, net om netnou weer trane in die oë te kry.

Product Details

ISBN-13:	9780795707803
Publisher:	Kwela
Publication date:	12/17/2016
Sold by:	Barnes & Noble
Format:	eBook
Pages:	337
File size:	1 MB
Language:	Afrikaans

About the Author

Andrew Henry Martin (AHM) Scholtz is op 28 Julie 1923 in Kimberley gebore. Hy het na st. 5 die skool verlaat en het as skrynwerker gewerk. Daarna het hy aan die Tweede Wêreldoorlog deelgeneem. Ná die oorlog werk hy tot met sy aftrede as bou-ondernemer op Mafikeng. In 1995 debuteer Andrew op 72-jarige ouderdom met sy roman, Vatmaar: ’n lewendagge verhaal van ’n tyd wat nie meer is nie. Dié boek is ’n groot sukses en is met die Eugène Marais-, CNA- en M-Net-prys bekroon. Scholtz het ook die Patrick Petersen Gedenkprys in 2002 en ’n SALA-toekenning postuum ontvang. Dit is ook in Nederlands, Engels en Duits vertaal. Hy is op 17 November 2004 op 81-jarige ouderdom oorlede.