Bradamante: tragécomédie; Les Juifves: tragédie

Je ne vous presente pas ces vers, Monseigneur, pour en penser honorer vostre illustre nom; car, au contraire, je prétens les authoriser de luy : estimant que ce leur seroit une honte de se vanter avoir esté nez sous vostre siecle, et ne pouvoir testifier aux races à venir (si d'avanture ils peuvent donner jusques là) qu'ils ayent onques esté cogneuz et gratifiez de vous, qui, souverain directeur de la justice de France, ne dedaignez au milieu de tant d'affaires de poix (dont vostre esprit c...