Confession catholique du sieur de Sancy

à Monsieur le Reverendissime EVESQUE D'EVREUX MONSIEUR, AYANT deliberé de mettre en lumiere ma Confession (oeuvre que je puis vanter n'estre pas publici saporis) je n'ay pas voulu faire comme ces ignorans, lesquels ayant quelque oeuvre doubteux à mettre au vent, cerchent pour la deffence de leurs ecrits les uns le Roy, qui a tant d'autres choses à defendre, les autres quelque Prince non mesdisant, comme un des traducteurs du Tasso, qui a choisi pour son apologue le Prince de Conty ; les aut...