Sa metamòrfosi: Die Verwandlung

«Unu mangianu Gregor Samsa, ischidende•si dae bisos avolotados s’agateit in su letu istramudidu in sas bisuras de unu betze bobosorighe» est s’incumintzu iscussentidu de Sa Metamòrfosi (1912), s’òpera de Kafka chi unit s’arte de su grotescu e de s’assurdu a su gradu prus mannu de perfetzione e paris cun Das Urteil (1912) e Brief an der Vater (1919) est parte de un'ispètzia de trilogia chi contat de patimentos de una famìllia.
Dae sas contradditziones mai istèssidas, dae su tratamentu incolli...